အရှေ့တိုင်းနိုင်ငံများနည်းတူ ယုဒလူမျိုးများသည် ကျိန်ဆိုခြင်းကို မကြခဏပြုလေ့ရှိသည်။ ကျိန်ဆိုရာ၌ တစ်ချို့ပြည့်စုံသလို တစ်ချို့ပြည့်စုံခြင်းမရှိဟုဆိုနိုင်သည် (မ ၂၃း၁၆-၂၂)။ ဘုရားသခင်နှင့် ကျိန်ဆိုခြင်းသည် မြေကြီးလက်ခတ်မလွဲ မှန်နေသည်။ ယေရှုကမူ မည်သို့သော ကျိန်ဆိုခြင်းမျိုးမဆို ကောင်းသောအရာမဟုတ်၍ အသုံးမပြုစေလိုပါ။ ဘုရားသခင်၏ နာမတော်နှင့် ကျိန်ဆိုသောအခါ ဘုရားသခင်သည် လူ့အဆင့်အရေးအရာ၌ ပါဝင်စေရာရောက်ပြီး အမြင့်ဆုံးသော ဘုရားသခင် အရာ၌ မထား၊ လူနှင့်အဆင့်တူသကဲ့သို့ ဖြစ်သည်။

 

ကျိန်ဆိုခြင်းဆိုသည်မှာ အဘယ်နည်း
ကျိန်ဆိုခြင်းဆိုရာ၌ ပြောဆိုသော အကြောင်းအရာတစ်ခု မှန်ကန်ကြောင်းပေါ်လွင်စေရန် ဘုရားသခင်ကို သက်သေအဖြစ်အသုံးပြုခြင်းဖြစ်သည်။ အဘယ်ကြောင့် ဘုရားသခင်ကို အမှန်တရားပေါ်လွင်အောင်သက်သေအဖြစ် အသုံးပြုပြီး ကျိန်ရပါသနည်း။ ကျိန်ဆိုရခြင်းမှာ လူသားသည် သစ္စာမရှိ၊ မုသာသုံးလေ့ရှိရကား အယုံအကြည်မရှိ၊ စိတ်ချမှုမရှိ၍ အယုံသွင်းသည့် သဘောနှင့် ကျိန်ဆိုသည်မဟုတ်ပါလား။ လူတစ်ယောက်သည် ဘုရားသခင်၏ နာမနှင့်ဖြစ်စေ၊ ဘုရားသခင်ဖန်ဆင်းသော အရာပစ္စည်းတစ်ခုနှင့် ဖြစ်စေ၊ ကျိန်ဆို…. သစ္စာဆိုခြင်းမရှိခဲ့ပါက ဘုရားသခင်က သူ့အပေါ်ကျိန်မည်ဟု ယူဆသောကြောင့် စိတ်ချနိုင်ခဲ့ပါသည်။

ဆိုခဲ့ပြီးသည့်အတိုင်း ဘုရားသခင်၏နာမ၌ ကျိန်ဆိုသောအခါ ဘုရားသခင်ကို လူတို့၏ အရေးအရာ၌ ပါဝင်စေခြင်းဖြစ်သည်။ ဤသို့ဆိုသော် ဘုရားသခင်နှင့် ကျိန်ဆိုခြင်းမပြုသော အရာဟူသမျှသည် ဘုရားသခင်ကို မတိုင်တည်ရာရောက်ပါသည်။ သခင်ယေရှုဆိုလိုသည်မှာ ဤလောက၌ အသက်ရှင်စဉ်ကာလ အကြောင်းအရာတစ်ချို့၌ ဘုရားကိုဖိတ်ခေါ်ပြီး တစ်ချို့၌ ဘုရားကိုထားခဲ့ရန် မဟုတ်ပါ။ တစ်ချို့တစ်ဝက်သည် ဘုရားသခင်နှင့်ပတ်သက်ပြီး၊ တစ်ချို့တစ်ဝက်သည် ဘုရားသခင်နှင့် မပတ်သက်သကဲ့သို့လည်း မဖြစ်သင့်ပါ။ ဘုရားသခင်မပါရှိရန် မလို၊ ဘုရားသခင်ကို ပစ်ထားနိုင်သော အကြောင်းအရာတစ်ခုမျှ ဤလောက၌ မရှိပါ။ လူသား၏ အရေးအရာတစ်ခုခြင်း၌ ဘုရားသခင်ပါရှိ၍ ပံ့ပိုးမှုလိုအပ်သည် သာဖြစ်သည်။

သို့ဖြစ်၍ ဤကျိန်ဆိုခြင်း သင်ခန်းစာမှ သခင်ယေရှုသည် ယုံကြည်သူများအားအရေးကြီး သောအချက်နှစ်ချက်သတိရစေပါသည်။

၁။  ခရစ်ယာန်ဟုအခေါ်ခံသူ၊ သခင်ယေရှုကို ယုံကြည်သူတိုင်းသည် သစ္စာစကားပြောဆို ကြောင်းကို သူများကသိရှိနားလည်ပြီး၊ ကျိန်ဆိုရန်မလို ပြောသမျှသစ္စာစကားဖြစ်သည် ဟုစိတ်ချ ယုံကြည်လောက်အောင် အသက်ရှင်သင့်ကြောင်း သတိရစေသည်။ ယုံကြည်သူအမည်ခံပြီး မုသာသုံးခဲ့ပါက မကျိန်ဆိုမခြင်း မယုံကြည်သည့်အပြင်၊ ကျိန်ဆိုသည့် တိုင်အောင် ယုံချင်မှယုံမည်။ စကားပြောတိုင်း မကြာခဏ ကျိန်ဆိုလေ့ရှိသောသူနှင့် ကျိန်ဆိုခြင်းလိုချင်သောသူသည် အမှန်တရားကိုပြောဟောသူ အားလုံးမဖြစ်ကြပါ။

၂။  ခရစ်ယာန်များသည် ကျိန်ဆိုခြင်းမပြုဘဲ၊ သစ္စာစကားသာပြောဆိုကြရန် လိုအပ်သကဲ့သို့ ဤကမ္ဘာလောက၌ ကျိန်ဆိုခြင်း လုံးဝမရှိသော ကမ္ဘာဖြစ်ဖို့ရန် ခရစ်ယာန်များ၏ တာဝန်ဖြစ်သည်။ ယုံကြည်သူ၏ သစ္စာစကားပြောဆိုခြင်းကို ကူးစက်ပြန့်ပွားရန် လိုအပ်သည်။ ဤကမ္ဘာလောက၌ သစ္စာစကားသာ ပြောဆိုကြပါက ကျိန်ဆိုခြင်းသည် လိုအပ်တော့မည် မဟုတ်ပါ။

ဤကမ္ဘာလောက၌ သစ္စာစကားမရှိတော့သောကြောင့်သာ သစ္စာရှိဖို့ရန် အရင်ကျိန်ဆိုခြင်းသာ။ တရားရုံးမှ အမှန်တရားကို သိလိုသောကြောင့် ထွက်ဆိုချက် မရယူမှီ သစ္စာဆိုစေပါသည်။ သူများသကာ ယုံစေခြင်းအလို့ငှာ ကျိန်ဆိုရပါသည်။ ဤခရစ်ယာန်များ ကမ္ဘာလောက၌ နေထိုင်ကျင့်ကြံသောကြောင့် သူတို့သည်လည်း ကျိန်ဆိုမှုပြုလုပ်ရန် လိုအပ်သောအချိန်ရှိသည်။ သို့တိုင်အောင် ကျိန်ဆိုရန် မလိုတော့သော ကမ္ဘာလောကဖြစ်ဖို့ရန် ခရစ်ယာန်များ၌ အမြဲတမ်းတာဝန်ရှိပါသည်။

မှတ်ချက်။
Rev. Dr. Simon Pau Khan En (B. th, B.R.E, B.D, S.T.M, Ph.D) ရေးသားပြုစု၍ MBC ပုံနှိပ်ထုတ်ဝေရေးဌါန မှထုတ်ဝေသော “တောင်ပေါ်တရားတော်” စာအုပ်မှထပ်ဆင့်တင်ပြထားပါသည်။