သူများအပြစ်မည်ကဲ့သို့ဖြေလွှတ်နိုင်မည်နည်းမည်သည့်အတွက်ကြောင့် အပြစ်ပြုမိသည်ကို စုံစမ်းပြီး သိရန်ကြိုးစားပါ။ သူများသည် မိမိအပေါ်မှာ မကောင်းကြံစည်သည်ဟု ယူဆသောအမှုမြောက်များစွာကို အကြောင်းရင်းလေ့လာပါက အားလုံး မမှန်ကန်ပါ။ သူပြစ်မှားမိသည်ကိုပင် သတိမထားမိပါ။ အများအားဖြင့် နားလည်မှုလွှဲခြင်း (Mis-understanding) များဖြစ်ပြီး၊ မျက်နှာချင်ဆိုင်ဆွေးနွေးတိုင်ပင်ပါက အပြစ်မလွှတ်နိုင်ရန် မရှိပါ။ သို့ရာတွင် လူသားများသည် မျက်နှာချင်းဆိုင် ညှိနှိုင်းခြင်းမရှိ၊ ကြာလာ၍ ရင့်လာသောအခါ အပြစ်မလွှတ်နိုင်သည်အထိ ကြီးထွားလာတတ်သည်။ သို့ရာတွင် အကြောင်းရင်းကိုလေ့လာ၍ ရှင်းရှင်းလင်းလင်း သိရှိပါက တစ်ဖက်သား၏ အားနည်းချက်များကို ပေါ်လွင်ပြီး၊ အပြစ်လွှတ်ရုံသာမက သနားခြင်းစိတ်ပင်လျှင်ပေါက်ဖွါးလာမည်ဖြစ်သည်။
ဝိညာဉ်တော်နှင့် မိဿဟာယဖွဲ့ အသက်ရှင်ခြင်းဟူသည် ဘေးအန္တရယ်မှ ကာကွယ်စောင်မစေရန် တောင်းလျှောက်ခြင်းဖြစ်ပါသည်။ ဤနေရာ၌ ခက်ခဲသော အရာမှာ “စုံစမ်းခြင်း မခံစေနှင့်” ဟူသောအချက်ပင်။ ယေရှုက ဘုရားသခင်သည် လူသားများအပေါ် စုံလင်ခြင်း ဖြစ်ပေါ်စေသူဖြစ်သည်ဟု ဆိုလိုခြင်းလား။
ဤသဘောနားလည်နိုင်စေခြင်းငှာ “စုံစမ်းခြင်း” ဆိုသော စကားမှာ ဂရိဘာသာဖြင့် “Peirasmos” ၏ အဓိပ္ပါယ်ကို နားလည်ရန် လိုပါသည်။ ဤ ဂရိစကား၌ (၂) မျိုး အဓိပ္ပါယ် ရှိပြီး “ဒုက္ခဆင်းရဲ” (Trial) လည်းဖြစ်နိုင်ပြီး ဤထက်ဆိုးဝါးသော မကောင်းဘက်သို့ ဆွဲသွင်းခြင်း (Tempt) ဟူသော အဓိပ္ပါယ်လည်း သက်ရောက်ပါသည်။ ဤနေရာ၌ ဆိုလိုသည်မှာ “ဒုက္ခဆင်းရဲ” ခြင်းကိုဆိုလိုပါသည်။ ယာကုတ် ၁း၃ ၌ ဆိုထားသကဲ့သို့ ဘုရားသခင်သည် လူသားများပျက်စီးရန် စုံစမ်းလေ့မရှိပါ။ သို့ဖြစ်၍ ဤကမ္ဘာလောက၌ ဖြစ်ပွားလေ့ရှိသော ဒုက္ခဆင်းရဲခြင်းမှ ကယ်နှုတ်ပြီး ကာကွယ်သည်ဟု ဆိုလိုပါသည်။
ဘုရားသခင်သည် ဤကဲ့သို့သော ဆင်းရဲဒုက္ခများကို လူသားများအား ခံစားနေစေနိုင်ပါသည်။ သို့သော်လည်း ထိမိလဲရန် အလိုမရှိ၊ ရင့်ကျက်၍ တိုးတက်ရန် အလိုရှိပါသည် (၁ကော ၁၀း၁၂-၁၃)။ ထိမိလဲရန် အလိုမရှိ၊ တိုးတက်ရင့်ကျက်စေရန် နှင့် တည်မြဲဖို့ရန် ဖြစ်ပါသည်။ ပန်းဘဲသမားများက သံကို ရင့်မာစေရန် အပူပေးလောင်ကျွမ်းစေသကဲ့သို့ဖြစ်သည်။
အိမ်ဆောက်သောအခါ တိုင်စိုက်ရန် တွင်းတူးပြီး၊ တိုင်စိုက်လေ့ရှိပါသည်။ မယိုင်မလဲ တည်တံ့ခိုင်ခန့်ရန် ကိုလှုပ်စမြဲ ဖြစ်သည်။ ဤကဲ့သို့ တိုင်ကို လှုပ်သောအခါ၌ တိုင်ကိုလဲစေလို၍ ကိုင်လှုပ်ခြင်းမဟုတ်ပါ၊ ပို၍ခိုင်မြဲစေလို၍သာလျှင်ဖြစ်ပါသည်။ ခရစ်ယာန်တစ်ဥိးဖြစ်ပြီးနောက်ပိုင်း ခံစားရသော ဒုက္ခဆင်းရဲခြင်းများသည် ခိုင်မြဲစေရန် ဘုရားသခင်ထုနှက်ခြင်းသာဖြစ်သည်။ ဤအချိန်မျိုး၌ပင်လျှင် ထိုသူ မပျက်စီးစေခြင်းငှာ ဘုရားသခင်သည် ကာကွယ်ပါသေးသည်။ သို့ဖြစ်၍ ပို၍နားလည်လွယ်သည်မှာ “အပြစ်သွေးဆောင်ရာသို့ မလိုက်ပါစေနှင့်၊ သို့ရာတွင် မလွှဲရှောင်နိုင်သော အရာ၌ အောင်မြင်သောအခွင့် ရရှိစေရန် ခွန်အားပေးတော်မူပါ” ဟူ၍ဖြစ်သည်။
စုံစမ်းခြင်းကို ခရစ်ယာန်များထံသို့ မည်သို့မည်ပုံ ရောက်ရှိနိုင်သနည်း။ အပြစ်သွေးဆောင်ခြင်းသည် အောက်ပါ အချက် (၄) ချက်ဖြင့် ရောက်ရှိလာနိုင်ပါသည်။
- အပြင်မှ ၀င်လာတတ်ပါသည်။ (မဿဲ ၁၆း၂၃၊ မာကု ၈း၃၃)။ သခင်ယေရှုသည် စိတ်အချဆုံး တမန်တော်ထံသို့ “အချင်းစာတန် ငါ့နောက်သို့ ဆုတ်ပါ” ဟု ဆိုခဲ့သည်။
- ကိုယ့်ကိုချစ်ခင်သူနှင့် အခင်မင်ဆုံးများထံမှလည်း ရောက်ရှိနိုင်သည် (မဿဲ ၁၀း၃၆)။
- ငါတို့၏ အားနည်းချက်များမှလည်း ၀င်လာတတ်ပါသည်။ လူသားတိုင်း၌ အားနည်းချက်များ ရှိတတ်ပါသည်။ ငွေ၊ ပစ္စည်းဥစ္စာ၊ ရာထူးဌာန္တရ၊ အစားအသောက်၊ ယေင်္ကျား / မိန်းမ စသဖြင့် အားနည်းချက် အမျိုးမျိုးရှိတတ်ပါသည်။ သတိထားရမည်း အချက်ပင်။
- ငါတို့၏ အားသာချက်မှလည်း ၀င်လာနိုင်ပါသည်။ မည်သည့်ကိစ္စမဆို အလွန်တရာ စိတ်ချ၍မရပါ။ ပီတာ၏ သာမန်ထက် ပိုမိုစိတ်ချခြင်းကြောင့် ကိုယ်တော်ဖမ်းဆီးခြင်းခံရစဉ်က ယေရှု၏ အဖွဲ့ဝင်ဟု စွပ်စွဲချက်ကို ငြင်းဆန်စေခဲ့သည် (မဿဲ ၂၆း၃၂-၃၅၊ ၆၉-၇၅)။ သို့ဖြစ်၍ အားနည်းခြင်းမှ လာတတ်သလို၊ အားသာခြင်းများမှလည်း လာတတ်ပါသည်။ အမြဲသတိထားရန် လိုပါသည် (၁ကော ၁၀း၁၂)။
ဤဆုတောင်းခြင်းတွင် ချော်လဲခြင်းနှင့် စုံစမ်းခြင်းသည် မတူညီပါ။ စုံစမ်းခြင်းသည် ယုံကြည်သူအယောက်တိုင်း အပေါ်၌ ကျရောက်မည်ဖြစ်ပြီး၊ သို့ရာတွင် ထိမိ၍ လဲခြင်းမဟုတ်သေးပါ။ ဤစုံစမ်းခြင်းကို မကျော်လွှားနိုင်၍ လဲမှသာ အပြစ်ရောက်ပါသည်။ စုံစမ်းခြင်းသည် သူလိုချင်သောနေရာ၌ နားလေ့ရှိသည်။ တား၍မရပါ။ သို့ရာတွင် မိမိခေါင်းပေါ်၌ အသိုက်မပြုလုပ်ရန် တားမြစ်နိုင်ပါသည်။ စုံစမ်းခြင်းကို မတားဆီးနိုင်သော်လည်း စုံစမ်းခြင်းရောက်သောအခါ ထိမိမလဲစေရန် တားဆီးနိုင်ပါသည်။ ကိုယ့်ခွန်ကိုယ့်အားနှင့် မဟုတ်၊ ယေရှု၏ အင်အားဖြင့် အောင်နိုင်မည်ဖြစ်သည်။
စုံစမ်းခြင်းကို မည်သို့အောင်နိုင်မည်နည်း? စုံစမ်းခြင်းသည် ကိုယ့်အင်အားနှင့် မနိုင်နိုင်ပါ။ ဘုရားသခင်၏ ခွန်အားနှင့်သာ အောင်နိုင်ပါသည်။ သို့ဖြစ်၍ သီချင်းရေးစပ်သူ Naratio Ralmer က
“ကူညီနိုင်ရန် ဆုတောင်းပါ
ခွန်အားပေး၍ တောင်းလျှောက်ပါ
ကူညီခြင်းသည် အဘဘုရားမှ
အောင်မြင်ခြင်း အခွင့်ပေးမည်” ဟု စပ်ဆိုထားပါသည်။
သို့ဖြစ်၍ စုံစမ်းခြင်းအောင်နိုင်ရန် လူသားဘုရားသခင်၏ ခွန်အားနှင့် တကွ လူသားများ၏ တာဝန်တစ်ချို့လည်း ရှိပါသည်။
(က) ကိုယ့်အကြောင်းနားလည်ပါ။ ဂရိပညာရှင် ဆိုကရေးတီး က ပညတ်တော်ထဲ၌ အလေးနက်ဆုံးမှာ “ကိုယ့်အကြောင်း ကိုယ်သိပါ” (Know thyself) ဖြစ်သည်ဟု ဆိုသည်။ ၀ိညာဉ်တော်နှင့် အသက်ရှင်နိုင်စေခြင်းငှာ အရေးကြီးသော အချက်တစ်ခုဖြစ်ပါသည်။ ကိုယ့်အကြောင်း ကိုယ်သိဖို့လိုပါသည်။ မည်ကဲ့သို့ ကိုယ့်အကြောင်း သိရမည်နည်း၊ ရှင်ပေါလုက ခရစ်ယာန်များသည် “သန့်ရှင်းသူများ” (Saints) ဟု ဆိုခဲ့ပေသည် (ရောမ ၁း၇၊ ၈း၂၇၊ ကော ၆း၂၊ ဧ ၂း၁၉၊ ၃း၈)။ ခရစ်တော် ယုံကြည်သူတိုင်း သန့်ရှင်းသူများဖြစ်ကြပါသည်။ ငါတို့ သန့်ရှင်း၍ မဟုတ်ပဲ ကယ်တင်သူ ယေရှု အသွေးတော်ကြောင့် သန့်ရှင်းရခြင်းဖြစ်သည်။ သန့်ရှင်းစေသူ ဘုရားသခင်ရှိသောကြောင့် “သန့်ရှင်းသူ” နာမည်ကောင်းရရှိခြင်းဖြစ်သည်။ သို့ဖြစ်၍ မာတင်လူသာက “သန့်ရှင်သူများ ဟု ခေါ်ဝေါ်သမုတ်ခြင်း ခံရသူများမှာ အပြစ်သားဘ၀မှ ဖြောင့်မတ်သူ အဆင့်သို့ သတ်မှတ်ခြင်း ခံရသူများဖြစ်သည်” (The saints are justified sinners) ဟုဆိုသည်။ သို့ဖြစ်၍ ကိုယ်လုပ်ဆောင်မှုနှင့် ကိုယ်၏ ကျွမ်းကျင်မှုကြောင့် မဟုတ်၊ ကယ်တင်သူ၏ အသွေးတော်နှင့် ငါတို့ကို ပိုင်သသောသူကြောင့်သာ “သန့်ရှင်းသူ” များဖြစ်ကြသည်။
သန့်ရှင်းသူဖြစ်သည့်အကြောင်း အမြဲသိရှိသူသည် အရာရာတွင် သတိထားပြီး မကောင်းမှု ရှောင်ရှားနိုင်ပါလိမ့်မည်။ အပြစ်လုပ်မည့်ဆဲဆဲ “မဟုတ်သေးဘူး၊ သန့်ရှင်းခြင်း ရရှိသူပါလား” ဟု သတိပြုမိပါက ဆက်လက် ပြုလုပ်ရန် ဆန္ဒရှိတော့မည်မဟုတ်ပါ။ အပြစ်တစ်ကိုပြုလုပ်ရန် စဉ်းစားမိတိုင်း မိမိ၏ ရပ်တည်ချက်ကို သတိရပါက အရှက်တရားဝင်လာပြီး ရှောင်ရှားနိုင်ပါလိမ့်မည်။
ယုဒအမျိုးသားများ ကျွန်ဘ၀မှ လွှတ်မြောက်၍ ယေရှုရှလင်မြို့ပြန်ရောက်သောအခါ ပြိုပျက်သော မြို့ရိုးနှင့် လောင်ကျွမ်းကျန်ရစ်သော ဘုရားကျောင်းများ ပြန်လည် ပြုပြင်ကြသည်။ ဤအချိန်၌ ယေရှုရှလင် မြို့ရှိတပါးအမျိုးသားများက သူတို့ကို စည်းရုံးပြီး၊ အင်အားပြန်ကြီးလာမည်ကို စိုးရိမ်သောကြောင့် ဓါး၊ လှံများ ကိုင်ဆောင်၍ တိုက်ခိုက်လာကြသည်။ သူတို့ကလည်း ဓါး၊ လှံများ ကိုင်ဆောင်လျက် အလုပ်လုပ်ကြသည်။ ဤအချိန်၌ ယအမျိုး ရှာမိုင်းအာ (Shemaiah) မှာ စိတ်ဓါတ်ကျပြီး၊ ခေါင်းဆောင်ဖြစ်နေသူ နေဟမိထံသို့ “ဘုရားကျောင်းထဲ ၀င်ပြီးတံခါးပိတ်ရအောင်” ဟုသွေးဆောင်ခဲ့သည်။ ခေါင်းဆောင်ကြီး နေဟမိက “ငါကဲ့သို့သော လူတစ်ယောက်ကို ကြောက်ပြီး၊ ဘုရားကျောင်းထဲ ၀င်ပုန်းနေရမလား ” ဟုဖြေလိုက်ပါတော့သည်။ ရန်သူအင်အားကောင်းသော အချိန်၍ပင်လျှင် နေဟမိသည် ဘုရားသခင်၏ ကျွန်၊ ဘုရားအမှုတော်ဆောင်သူဖြစ်ကြောင်း သတိရပြီး၊ သိက္ခာထိန်းထားပါသည်။ ထွက်မပြေးသည့်အပြင် ပျက်စီးပြီးသော ဘုရားကျောင်း မြို့ရိုးများနှင့် ယေရှုရှလင်မြို့ကြီးပြုပြင်ပြီးသည့်တိုင် ဆက်တိုက်အလုပ်လုပ်သည် (နေဟမိ ၆း၁၁-၁၄)။ အပြစ်မှ သွေးဆောင်သောအချိန်၌ “ငါကဲ့သို့သော သန့်ရှင်းသူ တစ်ယောက်က ဤသို့ပြုလုပ်ရမည်နည်း၊ ဘယ်တော့မှ မပြုလုပ်ပါ” ဟူ၍ ငါတို့ကို ငါတို့ ဘုရားသခင်မှ သန့်ရှင်သူအဖြစ် သတ်မှတ်ထားသူဖြစ်သည့်အကြောင်း သတိထားပြီ အပြစ်ကို တွန်းလှန်ပစ်ရမည်။
(ခ) ကိုယ်နေထိုင်သော ဒေသ၏ အကြောင်းကို နားလည်ရန်လိုသည်။ လူသည် တစ်ယောက်တည်း မနေရပဲ အသိုက်အ၀ိုင်းနှင့် လူမှုရေးအပေါင်းအသင်း ရှိကြပါသည်။ ခရစ်ယာန်များသည် အသင်းတော် အသီးသီးဖြင့် ဖွဲ့စည်းနေထိုင်ကြပါသည်။ သို့ဖြစ်၍ အပြစ်ပြုမိပါက သူငယ်ချင်းရောင်းရင်း အပေါင်းအသင်းနှင့် အသင်းတော်အား ထိခိုက်စေနိုင်သည် ဟု သိရှနားလည်သဘောပေါက်ပြီး ပြန်လည် တွန်းလှန်ရန်လိုပါသည်။ ခရစ်ယာန်အသက်တာသည် မိမိ တစ်ဦးတည်းအတွက်မဟုတ်၊ ခရစ်တော်နှင့် သူတစ်ပါးအတွက် အသက်ရှင်ခြင်းဖြစ်သည် (ရော ၁၄)။ ကိုယ့်အတွက် တစ်ခုအတွက်တည်းသာ ကွက်၍မစဉ်းစားဘဲ သူများနှင့် အပေါင်းအသင်းတို့၏ မျက်နာကို ထောက်ရှုပါက အပြစ်ပြုမိခြင်းမှ ရှောင်ဖယ်နိုင်မည်ဖြစ်သည်။
(ဂ) အပြစ်၏ အခကို သတိရရန် လိုပါသည်။ စုံစမ်းခြင်းခံရသော အချိန်နှင့် ၀င်ငွေနည်းပါချိန်တွင် အပြစ်၏ အခဖြစ်သော “သေခြင်း” (ရောမ ၆း၂၃) ကို သတိရပါက ပြုလုပ်မည့် ပြစ်မှုမြောက်များစွာကို ရှောင်ကွင်းနိုင်မည်ဖြစ်သည်။ အပြစ်၏ အစေခံရမည့်သူမှာ အပြစ်ကျူးလွန်သောသူသာ ဖြစ်သည်။ သို့တိုင်အောင် အပြစ်ကြောင့်သေခြင်းခံရမည့်ပုဂ္ဂိုလ်သည် သူတစ်ယောက်တည်းနေထိုင်သည်မဟုတ်၊ သူ့ကိုချစ်သော ဖခင်၊ မိခင်၊ အစ်ကို၊ သားသမီးများရှိသော၍ မိမိအပြစ်ပြုမိခြင်းအားဖြင့် ၄င်းကို ၀မ်းနည်း ကြေကွဲရမည်ကို နားလည်သဘောပေါက်ပါက အပြစ်ပြုလုပ်ခြင်းမှ ရှောင်ရှားနိုင်ပေမည်။ သို့ဖြစ်၍ သီချင်းစပ်သူ အိတ်ခ်ျအေ ဝေါလ်တာ က
“စိတ်ချ ယုံကြည်သူများကြောင့် သန့်ရှင်းမည်
သတိရဂရုစိုက်သူရှိ၍ သန့်ရှင်းမည်
ကြံ့ကြံ့ခံနိုင်အောင် ခွန်အားယူပါမည်
အားယူ၍ ရဲရင့်ခြင်း ရရှိအောင်” ဟုဆိုသည်။
မိမိအား ဂရုစိုက်သူရှိသည်ဟု သိရှိခြင်းသည် မြောက်များစွာသော အပြစ်များမှ ကင်းဝေးစေနိုင်ပြီ၊ “ငါ့ကိုဂရုစိုက်သူမရှိ” ဟုဆိုခြင်းသည် မပြုလုပ်သင့်သော အပြစ်မြောက်များစွာ ပြုလုပ်စေနိုင်ပါသည်။
(ဃ) ခရစ်တော်နှင့် အတူရှိနေကြောင်း သတိရပါ။ အထက်ဖေါ်ပြပြီးသော အချက်အားလုံးသည် လူသားများ၏ သတိထားစရာ၊ ဆင်ခြင်စရာများဖြစ်သည်။ အမှန်အားဖြင့် စုံစမ်းခြင်းကြောင့် ထိမိမလဲစေရန် လူသားများက စိတ်ထိန်းခြင်း၊ သတိထားခြင်းအားဖြင့်မဟုတ်၊ လူသားများကို စောင့်လျှောက်သောခရစ်တော်အားဖြင့်သာလျှင်ဖြစ်သည် (ရောမ ၈း၂၆-၂၇၊ ယောဟန် ၁၀း၂၈)။ ယေရှုခရစ်သည် ရှေးကလူသား ဇာတိခံယူပြီး မွေးဖွါးခဲ့ဖူးသည်ဆိုပြီး၊ သမိုင်းကဲ့သို့ သဘောထားရန် မဟုတ်ပါ။ ယခုပင်လျှင် ယုံကြည်သူများ၏ အသက်တာ၌ အတူတကွ အသက်ရှင်တော်မူသည်။ ၀မ်းသာသောအခါ အတူတကွဝမ်းသာပြီး၊ ၀မ်းနည်းသောအခါ ငါတို့နှင့် အတူဝမ်းနည်းတော်မူသည်။ စုံစမ်းခြင်းခံရသောအခါ၌လည်း ကူညီရန်အဆင်သင့်နေတော်မူသည်။ ကိုယ်တော်ကို ခေါ်ဖိတ်ဖို့ရန် စောင့်မျှော်နေဆဲဖြစ်သည်။
အပြစ်ပြုလုပ်ရန် စဉ်းစားသောအချိန်နှင့် စုံစမ်းခြင်းခံရသောအချိန်၌ “ဟဲ့.. ယေရှုမြင်နေပါလား၊ ဟ.. ယေရှုက ငါနှင့် အတူခံစားသည် မဟုတ်ပါလား” ဟု သတိရပါက အပြစ်ပြုခြင်းမှ တွန့်သွားနိုင်ပါသည်။ သို့ဖြစ်၍ အပြစ်သွေးဆောင်ခြင်းခံရချိန်၊ စုံစမ်းခြင်းခံရချိန်၌ “ဤနေရာ၍ ယေရှုရှိခဲ့သော် မည်သို့နေမည်နည်း” ဟူ၍ အရင်မေးခွန်း ထုတ်ကြပါစို့။
မိသားစုအတွင်း၌ ပြုမူမှု၊ စားသုံးမှုနှင့် ပြောဆိုမှု ဟူသမျှတို့၌ ယေရှုသည် အသိသက်သေအဖြစ် စခန်းချပါဝင်နေသည်ကို အမြဲနားလည်ပါက ယခင်အကျင့်ပျက်ခြင်းကို ဆက်လက်ပြုလုပ်ရန် ခက်ခဲပေလိမ့်မည်။ ခေါ်နေသမျှ ကိုယ်တော်ကြားသိတော်မူသည်။ ပို၍လေးနက်သော အချက်တစ်ခုမှာ စိတ်နှလုံးထဲ စဉ်းစားခြင်းပင်လျှင် သိရှိရာ ကိုယ်တော်သည် စိတ်နှလုံးထဲထိ ရောက်ရှိနေရာယူပြီးဖြစ်သည်။ စိတ်နှလုံး ပလ္လင်ပေါ်၌ သူထိုင်နှင့်တော်မူပြီ။ လျှို့ဝှက်ချက်ဟူသမျှ ကိုယ်တော် သိရှတော်မူသည်။ ဖေါ်ပြချက် ဟူသမျှလည်း ကိုယ်တော်သိရှိတော်မူသည်။ ပြုမူမှု ဟူသမျှ၊ စားသောက်မှုမှန်သမျှလည်း ကိုယ်တော်တွေ့ရှိတော်မူသည်။ အဘယ်ကြောင့်နည်းဟူမူကား ငါတို့တရားသူကြီးတည်းဟူသော ယေရှုခရစ်တော် ရှေ့၌ မပေါ်လွင်သောအရာ တစ်ခုမျှမရှိပါ။ အရာရာသည် ကွယ်ကာခြင်းမရှိ ဗူးပေါ်သလိုပေါ်နေပါသည် (ဟေ ၄း၁၃)။ ရင်ဆိုင်ရသမျှ စုံစမ်းခြင်းများကို ကိုယ်တော်နားလည်သည်။ မိန်းကလေးတစ်ယောက် သက်သေခံခဲ့သည်မှာ “စာတန်မာရ်နတ်သည် ချော်လဲစေလို၍ စုံစမ်းနေစဉ်၌ စိတ်နှလုံးထဲ၌ ယေရှုကို ထိုင်ခုံပေးသောအခါ စာတန်သည် ဘာမျှ မတတ်နိုင်ပါ” ဟုဆိုသည်။ သို့ဖြစ်၍ စာတန်မာရ်နတ်၏ နှောင့်ယှက်စုံစမ်းခြင်းကြောင့် မပြိုမလဲရလေအောင် ယေရှု ကျွန်ုပ်တို့နှင့် အတူရှိတော်မူကြောင်း မမေ့ပါနှင့်။ ကိုယ်တော်နှင့် အတူ အမြဲလက်တွဲ အသက်ရှင်ရမည်။ ကိုယ်တော်သည် မကောင်းမှုမှန်သမျှမှ ကွယ်ကာနိုင်သူ အရှင်သခင် ဖြစ်တော်မူသတည်း… အာမင်
အပိုင်း (၅) ကို ဆက်လက်ဖော်ပြပါမည်။
Rev. Dr. Simon Pau Khan En (B. th, B.R.E, B.D, S.T.M, Ph.D) ရေးသားပြုစု၍ MBC ပုံနှိပ်ထုတ်ဝေရေးဌါန မှထုတ်ဝေသော “တောင်ပေါ်တရားတော်” စာအုပ်မှထပ်ဆင့်တင်ပြထားပါသည်။